Cuestións técnicas obrigan a trasladar o concerto de Zahara e Martí Perarnau IV en Karma a Boiro
Por Redacción
_Juno, o proxecto musical de Zahara e Matí Perarnau IV, estaba previsto que se presentase na noite do sábado 25 na sala Karma de Pontevedra. Pero finalmente cuestións técnicas obrigaron os organizadores a que este concerto no que se ofrecen temas do segundo disco deste dúo sexa trasladado ao municipio coruñés de Boiro.
O lugar de celebración será a sala A Pousada da Galiza Imaxinaria con acceso libre ata completar a capacidade do espazo.
Ás 21.00 horas do sábado 25 abriranse as portas do recinto e, unha hora máis tarde, iniciarase o concerto.
Esta actuación musical forma parte do ciclo en salas que impulsa Vibra Mahou coa idea, nesta ocasión, de presentar _BCN747, o novo álbum destes dous artistas no que convidan a bailar nun limbo particular onde sempre está a piques de amencer.
CAMBIO DE UBICACIÓN DA CONFERENCIA DE ZAHARA
Tamén cambiouse a localización da conferencia que Zahara ofrecerá con motivo da programación do 25N en Pontevedra.
Estaba previsto inicialmente que se realizase no antigo convento de Santa Clara pero debido ás obras de reparación das pingueiras, o Concello de Pontevedra anuncia que a charla é trasladada de espazo.
Finalmente, este encontro entre a xornalista Susana Pedreira e a cantante andaluza será ás 13.00 horas do sábado 25 no vestíbulo do Edificio Castelao do Museo de Pontevedra.
Relacionadas:
-
Público de todas as idades escoita as palabras de Zahara sobre violencia machista no Museo
Por Cristina Saiz & Redacción |
-
Zahara e Martí Perarnau IV: "Con Juno non facemos caso a nada. É un refuxio para facer cancións desde a liberdade"
Por Alejandro Espiño |
-
Juno, o proxecto musical de Zahara e Martí Perarnau IV, actuará en novembro na Sala Karma
Por Alejandro Espiño |
-
Zahara atrapa ao público pontevedrés
Por Redacción & Cristina Saiz |