O CAB Pontevedra chora a perda do seu adestrador Carlos Casqueiro
Por Redacción
Días de loito no Club Amigos do Baloncesto CAB Pontevedra, que chora a perda dun dos seus adestradores.
O club de base lamentou o falecemento o pasado 6 de decembro de Carlos Casqueiro, aos 51 anos de idade.
"Amante do baloncesto e da súa familia, achegounos un gran labor tanto no deportivo como no persoal", sinala o CAB.
A entidade pontevedresa quixo ademais trasladar a través das súas redes sociais "as nosas condolencias e todo o noso apoio e agarimo nestes momentos difíciles á súa familia".