España golea a Suíza (5-0) con Tere Abelleira como titular e fai pleno no arranque da Nations League
Por Diego Espiño
A Selección Española de Fútbol pechou con pleno de vitorias a súa convocatoria máis incómoda, a que empezara con terremoto pola negativa das campioas do Mundo para ser citadas mentres non se afrontasen cambios de calado no fútbol feminino nacional. Dous de dous nos primeiros encontros da fase de grupos da Nations League que achegan o obxectivo de clasificarse para os Xogos Olímpicos.
Nunha demostración de compromiso e profesionalidade, as futbolistas da Selección deixaron nun segundo plano por uns días as súas reivindicacións para centrarse no estritamente deportivo, e o resultado foi un triunfo en Suecia, fronte á selección que encabeza o ranking FIFA, e unha goleada este martes fronte a Suíza (5-0).
O duelo fronte ao combinado helvético, disputado no Estadio Arcanxo de Córdoba, marcou ademais un novo récord de asistencia nun partido internacional feminino en España, con 14.194 espectadores.
Do mesmo xeito que en Goteborg, o segundo once inicial da nova seleccionadora Montse Tomé contou con Tere Abelleira como unha das súas pezas indiscutibles no posto de pivote por diante da liña defensiva.
A centrocampista pontevedresa foi de novo importante no equipo nacional, e con ela no campo España arrasou a Suíza. De feito cando foi substituída, no minuto 68 de partido dando entrada a Maite Oroz, o resultado era xa de 4-0.
O primeiro tanto chegou xa no minuto 15 de xogo, por medio de Lucía García ao aproveitar un roubo de Mariona na presión, poñendo de fronte un duelo que empezaría a decantarse na prolongación do primeiro acto co 2-0 de Aitana.
A propia Aitana repetiría aos 3 minutos da continuación, deixando o choque case visto para sentenza, aínda que faltaba a puntilla que supuxeron os tantos de Inma Gabarro no 57 e Maite Oroz no 86.
Relacionadas:
-
Fixado o horario para o partido entre España e Italia en Pasarón
Por Redacción |
-
Tere Abelleira, na lista da Selección para a xanela internacional previa a xogar en Pasarón
Por Diego Espiño |
-
Tere Abelleira, titular no debut con vitoria de Montse Tomé coa Selección ante Suecia (2-3)
Por Almu Dapena |
-
Unha noite sen durmir, sete horas de reunión e principio de acordo na Selección
Por Diego Espiño |
-
Tere Abelleira e o resto de internacionais acoden á convocatoria da Selección para evitar ser sancionadas
Por Diego Espiño |
-
Tere Abelleira rexeita a convocatoria da Selección: "A RFEF non se atopa en disposición de esixirnos acudir"
Por Diego Espiño |
-
Tere Abelleira, incluída na esperada primeira lista de Montse Tomé na Selección Española Absoluta
Por Diego Espiño |
-
Pasarón, candidato a acoller en decembro un partido da Selección Española Absoluta Feminina
Por Diego Espiño |
-
A conduta de Rubiales é "intolerable" e "no representa los valores que quiere transmitir el deporte" asegura Tere Abelleira
Por Oskar Viéitez |
-
Tere Abelleira: "Que ningún éxito das mulleres futbolistas e deportistas sexa manchado por ningún tipo de comportamento"
Por Almu Dapena |
-
Tere Abelleira: "Pontevedra es campeona del mundo y hay que celebrarlo"
Por Oskar Viéitez & Mónica Patxot |