Apoian os pontevedreses o recurso contra ENCE interposto polo Concello?
Por Oskar Viéitez
A alcaldesa en funcións, Carme da Silva esgrimiu que a maioría, social e na corporación, apoia o recurso xudicial contra a continuidade da fábrica de Ence en Lourizán ata 2073. Pola contra, o vicepresidente da Xunta, Alfonso Rueda, dúbida de que haxa ese respaldo xeral.
Á marxe da propia empresa, o Partido Popular foi o primeiro en saír ao paso da decisión do goberno local do BNG de recorrer a decisión do Goberno en funcións.
O vicepresidente da Xunta e presidente provincial do partido, Alfonso Rueda, manifestou que o Concello está "no seu dereito", pero remarcou que na mobilización convocada esta fin de semana houbo "bastante menos xente que noutras ocasións". Por iso, instou ao goberno local a valorar se a súa decisión "representa a vontade" dos seus cidadáns.
Pola súa banda Carme da Silva respondeu a Rueda "presuntamente veciño de Pontevedra" lembrando que o BNG, desde que accedeu á alcaldía no ano 1999, "sempre dixo o mesmo. Nunca enganamos a ninguén", algo que reprochou ao Partido Popular que "utilizou os sumideiros do Estado para chegar a un acordo coa empresa e darlle esa prórroga".
Finalmente destacou o seu convencemento de que conta co apoio de "toda a sociedade pontevedresa".
Relacionadas:
-
O Tribunal Supremo desestima dous recursos do Concello de Pontevedra contra Ence
Por Oskar Viéitez |
-
ENCE construirá este ano a súa planta de biomasa en Lourizán
Por Oskar Viéitez & Mónica Patxot |
-
CC.OO. gaña as eleccións nas oficinas de Ence
Por Redacción |
-
O Concello acorda presentar un recurso na Audiencia Nacional contra a prórroga a ENCE
Por Alejandro Espiño |
-
Ence Fóra volve clamar na rúa contra a prórroga á pasteira
Por Diego Espiño & Diego Torrado |