Rafa Domínguez critica que Pedro Sánchez non escoitara os traballadores de Ence "nin 5 segundos"
Por Redacción
Rafa Domínguez, candidato do PP á alcaldía de Pontevedra, mostrou o seu malestar coa actitude do presidente do Goberno Pedro Sánchez ao non querer atender aos traballadores e ao comité de empresa de Ence, que este martes trasladábase ao mitin que o líder socialista ofrecía en Vigo.
"O seu desprezo é infinito: non quixo escoitalos nin cinco segundos", afirma Rafa Domínguez, que lle lembra a Sánchez que se escoitase aos traballadores de Ence descubriría que en Pontevedra "hai 800 familias, decenas de transportistas e miles de propietarios de montes aos que puxo en perigo coa súa irresponsabilidade".
Por último, o representante popular mostrou a súa preocupación porque a Pedro Sánchez e ao alcalde Miguel Anxo Fernández Lores non lles importen os traballadores de Ence. "Polo menos poderían ter a decencia de non esconderse e dicirlles á cara que o que queren é mandalos ao paro, agravando o que é o principal problema de Pontevedra", conclúe Domínguez.
Relacionadas:
-
En Marea: "A presenza de ENCE supón a contaminación da Ría, pero tamén é un exemplo de corrupción por parte do PP"
Por Redacción |
-
CC.OO. presentará unha querela contra o PSOE local se non retira as acusacións sobre a autoría das pintadas
Por Nacho Fuentes & Anxo Lourido |
-
Traballadores de Ence viaxan a Vigo en oito autobuses para protestar ante Pedro Sánchez
Por Redacción | Creada e actualizada
-
Os comités de empresa de Ence condenan o uso do seu 'lazo solidario' para facer pintadas contra Carme da Silva
Por Redacción |