A inmunización avanza en Pontevedra cunha nova xornada de vacinación masiva
Por Redacción & Cristina Saiz
Unha nova xornada de vacinación masiva permitiu á área sanitaria de Pontevedra e O Salnés dar un gran paso para avanzar a inmunización da poboación ante a covid-19. Así, foron 7.322 persoas as que estaban citadas este sábado para recibir as súas segundas doses.
En concreto, 5.052 estaban citadas no Recinto Feiral de Pontevedra e outras 2.270 en Fexdega, en Vilagarcía. Todas elas recibiron o soro de Pzifer, segundo confirmaron as autoridades sanitarias, en base á previsión de vacinación.
Salvo colas puntuais, a xornada transcorreu sen incidentes e permitiu completar a vacinación da poboación entre 40 e 49 anos que xa recibira a súa primeira dose.
Ademais, tamén estaban citados os maiores do segmento poboacional de 30 a 39 anos, onde a vacinación continuará avanzando ao longo da próxima semana.
Ata o de agora, e sen contar coas administradas este sábado, Galicia puxo 3.361.483 doses da vacina contra a covid-19.
Isto implica que o 76% da poboación diana a vacinar -maiores de 12 anos- recibiu polo menos unha picada, mentres 1.647.668 desas persoas, un 67,19%, ten a pauta completa.
A partir da próxima semana, Sanidade prevé iniciar na área sanitaria de Pontevedra a vacinación dos cidadáns entre 20 e 29 anos que, nun principio, recibirán as doses de Pfizer.
Relacionadas:
-
A vacinación retárdase na área sanitaria
Por Diego Espiño |
-
Máis do 65% da poboación da área sanitaria recibiu a dose completa da vacina
Por Redacción |
-
Os hospitalizados por covid-19 son 38 nunha área sanitaria con 2.873 casos activos
Por Alejandro Espiño |
-
Longas colas en Pontevedra para realizar un test de antíxenos e conseguir o certificado
Por Redacción & Cristina Saiz |
-
Bares e restaurantes, obrigados desde este sábado a pedir PCR negativa ou certificado de vacinación
Por Redacción & Cristina Saiz |
-
250 novos contaxios levan a área sanitaria ao seu pico máximo de casos activos, 2.785
Por Alejandro Espiño |
-
Unha unidade móbil realizará este sábado test de antíxenos na praza de España
Por Redacción |
-
A autocita para cribados terá postos fixos en Pontevedra e Vilagarcía a próxima semana
Por Natalia Puga |