Dúas novas mortes con coronavirus de pacientes con máis de 90 anos na área sanitaria
Por Redacción
Unha muller de 91 anos e un home de 92 perdían a vida este domingo no Hospital Montecelo de Pontevedra. Ambos foran diagnosticados con coronavirus e contaban con patoloxías previas nos seus historiais médicos, segundo informa a Consellería de Sanidade este luns 23 de agosto.
Con estes dous novos falecementos, a área sanitaria de Pontevedra - O Salnés alcanza os 197 decesos motivados por esta pandemia desde que se rexistran as mortes como consecuencia desta enfermidade.
Durante ese mesmo período curáronse 19.820 persoas de covid-19, 103 máis que na xornada do domingo, segundo os datos que remite a xerencia do Complexo Hospitalario Universitario de Pontevedra.
Saúde Pública confirmaba este luns outras catro mortes con coronavirus que se rexistraron durante a fin de semana en Galicia. Aos homes falecidos en Pontevedra engádese outra vítima durante o domingo, un home de 73 anos, que morría no Complexo Hospital da Coruña.
O sábado 21 falecían outras dúas persoas na provincia: un home de 71 anos en Povisa, que procedía do Hospital e Clínica San Rafael de Vigo e outro home, de 83 anos, que perdía a vida no Hospital Álvaro Cunqueiro. A eles sumábase unha muller de 89 anos que falecía no Hospital Lucus Augusti de Lugo. Todas as vítimas contaban con patoloxías previas.
Galicia, con estas novas mortes, alcanza a cifra de 2.546 persoas falecidas desde que se notifican as mortes derivadas desta enfermidade.
Relacionadas:
-
Unha paciente de 84 anos eleva a cinco as mortes con covid en Montecelo desde o sábado
Por Redacción |
-
Unha muller de 68 anos falecida en Montecelo é a vítima 198 da pandemia na área sanitaria
Por Redacción |
-
Cerdedo-Cotobade e Ponte Caldelas, únicos concellos en nivel alto a partir do sábado na área
Por Redacción |
-
A quinta onda remite na área sanitaria, que suma 24 novos positivos e ten 18 pacientes no hospital
Por Natalia Puga |
-
Sanidade organiza un cribado na Lama para persoas de 15 a 40 anos
Por Redacción |
-
O 76% da poboación en idade de vacinarse fronte á covid-19 xa ten a pauta completa
Por Natalia Puga |
-
A área sanitaria baixa dos mil casos activos de covid-19 por primeira vez en seis semanas
Por Natalia Puga |
-
Empeza a inmunización dos escolares: preto de 6.000 de 12 e 13 anos vacinaranse este luns
Por Natalia Puga |