Volve a procesión da Peregrina a concentrar devotos nas rúas
Por Cristina Saiz & Redacción
Este domingo 14, día de celebración da Peregrina, o santuario situado no centro de Pontevedra acollía a misa pontifical ao mediodía presidida polo arcebispo de Santiago, Julián Barrio Barrio. Un acto ao que asistían diversos representantes do Partido Popular provincial e local. A deputada e concelleira Pepa Pardo encargábase de realizar a advocación á Virxe.
A continuación, a agrupación folclórica Celme realizaba actuacións en diversas prazas da cidade con motivo da conmemoración festiva.
Durante a tarde continuaron os actos relixiosos co regreso, tras o peor período de pandemia, da procesión da Virxe Peregrina ás rúas do centro da cidade e a finalización coa danza gremial de cintas do século XVIII, unha cita que décadas atrás era un dos elementos máis característicos desta semana de festas. Esta tarde numerosos devotos saíron a ver este acto.
Relacionadas:
-
San Roque recupera a súa procesión
Por Redacción & Cristina Saiz |
-
Festas patronais en Santa María A Maior de Pontevedra
Por Oskar Viéitez |
-
Redúcese o número de peñas xuvenís pero aumentan os botellóns de adultos
Por Oskar Viéitez |
-
Carmen Salinero propón un reto no inicio da Peregrina: "Sentídevos como eu me sinto, orgullosa da nosa Pontevedra!"
Por Cristina Saiz & Anxo Lourido |
-
O PP pide máis ambulancias e un hospital de campaña ante as 'peñas' e o inicio das Festas da Peregrina
Por Redacción |
-
Oito días dunhas Festas da Peregrina que serán "como as recordábamos"
Por Alejandro Espiño |