Itineranta despídese deixando a animación na rúa nas mans das Festas da Peregrina
Por Redacción
Itineranta, o festival de animación na rúa de Pontevedra, despídese ata o ano que vén. Faino xa consolidado na programación festiva da cidade. Centos de persoas acompañaron as nove compañías que participaron na actual edición durante os seus 'performances' polas rúas e prazas do centro histórico. Un aperitivo de excepción antes das Festas da Peregrina, que comezan este sábado.
Na súa última xornada, celebrada este xoves, participaron Always Drinking Marching Band co seu espectáculo musical "La calle es nuestra", Brincadeira coa súa "La danza de la calle", K de Calle que presentou "Kaña" e o grupo Troula, coordinador do festival.
O día anterior, as compañías que percorreron o centro histórico foron Always Drinking Marching Band, Cal e Canto con "Pepperland", Titirirantes con "Retrarte", K de Calle con "Klimatolokos" e Crassh, que converteu a Praza da Peregrina nun concerto improvisado.
Relacionadas:
-
Kiko da Silva dá a benvida á Semana Grande de Pontevedra
Por Diego Espiño |
-
Música, circo e teatro no debut de Itineranta, o festival de animación na rúa de Pontevedra
Por Alejandro Espiño & Diego Torrado |
-
Volve Itineranta, un festival de animación que promete revolucionar o centro histórico
Por Alejandro Espiño & Mónica Patxot |