Rubén Simeó e a Banda de Música de Salcedo triunfan na Ferrería
Por Diego Torrado
Rubén Simeó tocaba hai apenas un mes coa Crea Orkest de Amsterdam e este xoves 14 a súa trompeta entusiasmaba ao público que enchía as cadeiras da Praza da Ferrería para presenciar o concerto que ofreceu acompañando a Banda de Música de Salcedo.
O músico vigués arroupado polas novas promesas da agrupación pontevedresa ofreceu un concerto en que realizou un percorrido por temas coñecidos para o gran público, con achegamento ao jazz e á música cinematográfica.
O concerto preparárase 24 horas antes nun ensaio xeral realizado tras a masterclass que Simeó ofreceu a varios trompetistas da Banda de Música de Salcedo para ensinarlles conceptos importantes á hora de enfrontarse ao público.