Colas de espectadores na posta de longo da aula de teatro do CIM
Por Diego Torrado
Un espectáculo entretido, emotivo e con moita forza. Así definen dende a aula de teatro do Centro de Información á Muller (CIM) de Pontevedra Ramón Ramón, a obra que presentaron este domingo. Para poder acudir a vela, os espectadores fixeron cola ás portas do Teatro Principal, acumulándose tanta xente que a ringleira ocupou varios metros e chegou ata o antigo edificio do Concello na Praza de España.
Con esta actuación da aula de teatro que dirixe Andrea Bayer, de Baobab Teatro, a Concellaría de Igualdade de Pontevedra dá por rematada a programación da campaña do 25 de novembro, Día Internacional da erradicación da violencia sobre a muller.
Ramón, Ramón conta unha historia dun grupo de mulleres que está a ensaiar para o estreno do espectáculo e aí van xurdindo historias de cada unha das protagonitas.
A aula de teatro do CIM é un grupo de mulleres que nace da petición e da necesidade de ir máis alá cos cursos de iniciación ao teatro. Ao longo destes últimos anos víñanse impartindo cursos de iniciación ao teatro para mulleres a través do CIM, e unha vez rematados as usuarias pedían máis. Ante esta elevada demanda, propúxose formar un aula cun obxectivo: a preparación e montaxe dun espectáculo teatral.
Relacionadas:
-
Emoción e risas no Teatro Principal con "Ramón, Ramón", a obra da aula de teatro do CIM
Por Redacción & Mónica Patxot |
-
Maltratar a golpes de clic
Por Redacción |
-
Pontevedra plántalle cara á violencia de xénero
Por Redacción |
-
Calor humana para as vítimas de violencia de xénero fronte á frialdade da Administración
Por Natalia Puga & Mónica Patxot |
-
Axenda de actos polo Día Internacional da Eliminación da Violencia contra a Muller
Por Redacción |
-
Aproban o III Plan de Igualdade do Concello de Pontevedra
Por Alejandro Espiño |