Concerto de música militar con motivo do aniversario da Brilat
Por Daniel Santomé
Este mércores 3 de xuño o Auditorio de Afundación acolleu o concerto de música militar a cargo da Escola Naval Militar e da Banda de Guerra da Brilat que se encadra nas celebracións con motivo do XLIX aniversario da Brilat "Galicia" VII con base en Figueirido.
Previamente a este concerto, o salón nobre da Deputación provincial acollía outro acto con motivo deste aniversario coa conferencia impartida polo Coronel Francisco Javier Lanchares Dávila sobre o Rexemento Isabel la Católica número 29.
Durante este xoves 4 na base General Morillo conmemórase o aniversario da fundación, coincidindo coa data do primeiro aerotransporte, que se realizou o 7 de xuño de 1969 no Aeródromo das Rozas en Lugo.