'As peripecias de Extravaganza Pérez' de Ledicia Costas, primeiro libro editado con motivo do Salón do Libro
Por Anxo Lourido
A galardoada escritora Ledicia Costas, premio nacional de Literatura Infantil e Xuvenil 2015, converterase na escritora que publique a primeira obra con motivo do Salón do Libro. En xaneiro publicarase 'As peripecias de Extravaganza Pérez', unha obra na que leva traballando durante os últimos meses.
Esta obra servirá de base para moitas das actividades que se desenvolver dentro da edición deste ano do Salón do Libro dedicado á bichería, que comezará en abril. A protagonista da historia é unha nena "valente e peculiar", segundo a autora, e que ten a particularidade de nacer con lentes e de comunicarse de modo sutil cos animais.
No mediodía deste venres 13, Ledicia Costas comentaba este proxecto amosando algunhas das ilustracións de Óscar Villán para a publicación, acompañada pola concelleira de Cultura, Anxos Riveiro, quen indicou que con esta iniciativa preténdese que cada edición conte cun libro que sirva de referencia para ir creando unha colección de libros.
Publicaranse 4.000 exemplares, que serán para os visitantes do Salón e para os centros educativos. A autora de Escarlatina, a cociñeira defunta manifestou estar a vivir con intensidade este momento despois de obter o Premio Nacional de Literatura Infantil e Xuvenil. Ledicia Costa móstrase orgullosa por este galardón significativo para a cultura galega.
Relacionadas:
-
"Merendando contos" cos máis pequenos nas librerías de Pontevedra
Por Elena Álvarez Quintá |
-
'As peripecias de Extravaganzza Pérez', Orbil e moita bichería para facer medrar o amor polos libros
Por Natalia Puga & Mónica Patxot |
-
Os 'bichos' invaden o Pazo de cara o Salón do Libro Infantil e Xuvenil
Por Redacción & Mónica Patxot |
-
Extravaganzza Pérez, unha nena coas ideas moi claras, protagonista do novo libro de Ledicia Costas
Por Elena Álvarez Quintá |
-
O Salón do Libro presenta o cartaz da súa 17º edición "Canta Bichería!" dentro do Culturgal
Por Redacción & Diego Torrado |
-
Os animais, protagonistas do XVII Salón do Libro baixo o título 'Canta bichería!'
Por Redacción |