O primeiro concerto do Festival Internacional de Jazz abarrota a Praza do Teucro
Por Mónica Patxot
Cun concerto vibrante comezaron as actuacións estrela no Festival Internacional de Jazz de Pontevedra este mércores 13. As cadeiras instaladas pola organización quedaron escasas para seguir o concerto de Sumrrá e numeroso público optou por sentar directamente sobre a pedra da Praza do Teucro para seguir a actuación destes músicos galegos, que nesta primeira xornada xa puxeron un listón moi alto de calidade.
A baterista Naíma Acuña será a encargada este xoves de subirse a ese mesmo escenario a partir das 22.30 horas.
É unha artista moi nova pero cunha importante traxectoria profesional que leva camiño de convertela nunha dos principais referentes do jazz galego. Acompañou a artistas tan recoñecidos como Pacco Charlín, Chris Young, Brian Traynor ou Don Rendell. Estará acompañada polo saxo alto de Pablo Castaño, a guitarra de Gareth Fowler e o órgano hammond de Alex Salgueiro.
A partir deste venres 15, os concertos trasladaranse á Praza da Ferrería. A primeira cita será cun proxecto ambicioso, a Pontejazz Big Band, que reúne a grandes músicos galegos nunha proposta que, segundo os organizadores, asombrará aos espectadores.
Relacionadas:
-
Cécile McLorin pecha a 24 edición do Festival de Jazz
Por Diego Torrado |
-
Puro jazz con Antonio Sánchez e a súa banda Migration
Por Diego Torrado |
-
O "Rei Solomon" conquista Pontevedra
Por Diego Torrado |
-
Exitoso concerto na Ferrería da Pontejazz Big Band
Por Mónica Patxot |
-
A batería de Naíma Acuña dá paso á Pontejazz Big Band na Ferrería
Por Diego Torrado |
-
Sumrrá inicia un Festival Internacional de Jazz de alta categoría
Por Redacción |
-
Cécile McLorin, Antonio Sánchez e "King Solomon" Hicks, estrelas do Festival de Jazz
Por Mónica Patxot & Anxo Lourido |