Os protagonistas da cultura de Pontevedra, de Culturgal ás redes sociais
Por Redacción
O Concello de Pontevedra é, como cada ano, anfitrión e colaborador de Culturgal, a Feira das Industrias Culturais de Galicia, pero este 2016 adoptará un papel máis activo do habitual. Nesta novena edición da iniciativa, vaise poñer en marcha o proxecto Q-fas co obxectivo de que a vida cultural de Pontevedra se asome ás redes.
Durante os tres días da feira, Q-fas difundirá ideas, testemuñas e estados de creación de numerosas persoas relacionadas coa literatura, as artes plásticas, o deseño, a ilustración, o cinema, o mundo editorial, a música e calquera outra manifestación artística que teña lugar na cidade ou fóra dela, pero con algunha relación con Pontevedra.
Segundo informou o Concello, faranse micro-entrevistas e fotografías dos persoeiros que pasen por Culturgal e ese material estará publicado no espazo pontevedra.gal/culturgal, desde onde se difundirá por distintos medios, entre eles a web oficial do Culturgal, a páxina do Concello e PontevedraViva, de tal xeito que durante os tres días as testemuñas destas persoas tomen unha relevancia especial nas redes. Serán ducias de protagonistas da cultura de Pontevedra.
No stand do Concello haberá actividades programadas polas concellerías de Cultura e Promoción e instalarase un set para servizo dos protagonistas da cultura na capital. A programación municipal pode consultarse aquí.
Relacionadas:
-
Xosé Manuel Budiño, prato forte da segunda xornada do Culturgal
Por Mónica Patxot |
-
Máis de 150 actividades para todos os públicos no Culturgal
Por Mónica Patxot | Creada e actualizada
-
Abre as portas o Culturgal, tres días co mellor da cultura galega no Recinto Feiral
Por Mónica Patxot & Anxo Lourido |
-
O Culturgal une a concellos de todas as cores políticas nas propostas patrimoniais da Deputación
Por Mónica Patxot & Anxo Lourido |
-
Budiño celebrará en Pontevedra o vixésimo aniversario do seu primeiro disco
Por Redacción |
-
Chega a novena edición de Culturgal, "manifestación do orgullo galego contemporáneo"
Por Mónica Patxot & Anxo Lourido |
-
O patrimonio, eixo central do posto que a Deputación instalará no Culturgal
Por Redacción |