O 'tolleito de Inishmaan' pon en pé ao público de Ponteatro
Por Redacción & Mónica Patxot
Unha longa ovación pechou a función despois de case dúas horas nun Teatro Principal entregado.
O público pontevedrés deixouse conquistar por O tolleito de Inishmaan, da compañía CONTRAproducións, nunha nova cita do do ciclo Ponteatro con gran éxito de público.
A coidada escenografía e o seu gran formato, con oito actores de importante traxectoria sobre o escenario, atrapou aos asistentes, que se trasladaron a unha pequena illa irlandesa nos anos 30.
Alí estaba ambientada unha obra que, dirixida por Cándido Pazó, reuniu nas táboas a Evaristo Calvo, Ana Santos, Ricardo de Barreiro, María Roja, Luís Iglesia, Santi Romay, Marcos Pereiro e Susana Dans.
Todos eles daban vida a personaxes da illa, a cada cal máis pintoresco, entre os que se atopaba un tolleito que o único que pretende é ser amado e respectado.
Tras esta obra, Ponteatro regresará o 15 de decembro con Eroski Paraíso, de Grupo Chévere.
Relacionadas:
-
O "Eroski Paraíso" de Chévere pétao no Teatro Principal
Por Redacción |
-
O tolleito de Inishmaan visita o Teatro Principal no marco do ciclo Ponteatro
Por Redacción |
-
'Get back' ou como viven os galegos emigrantes en Gran Bretaña
Por Diego Torrado |
-
Motivos de saúde obrigan a suspender a obra 'Foucellas' do ciclo Ponteatro
Por Redacción |
-
Volve Ponteatro con seis obras de compañías galegas e dúas 'noites golfas'
Por Alejandro Espiño |