'O Camiño, a Arte e o Vinho', a exposición dos Amigos do Camiño Portugués en Viana do Castelo
Por Redacción
En 1848, a raíña portuguesa María II elevou a Viana á consideración de "cidade" co novo nome de Viana do Castelo. Con motivo do 169 aniversario daquela data, o distrito portugués inaugurou a exposición: "Camiño: O Camiño, a Arte e o Vinho", unha mostra que promove a Fundación de Amigos do Camiño Portugués de Santiago, que preside o pontevedrés Celestino Lores.
A exposición presentábase esta fin de semana na Sala dos Antigos Paços do Concelho de Viana do Castelo e á inauguración acudiron, entre outros invitados, o presidente da Cámara municipal de Viana, José María Costa; o deputado provincial Carlos Font; a vereadora María José Guerreiro; o presidente do Camiño Portugués, Celestino Lores; ademais de numerosos amigos do Camiño Portugués de Pontevedra e do Norte de Portugal.
Nesta mostra participan artistas como Álex Vázquez, Puri del Palacio, Amelia Palacios, Kuki Pazos, Luz Lafuente, J. María Barreiro, Mario Rocha e o fotógrafo Xulio Gil. Poderase visitar na cidade portuguesa ata o 20 de febreiro.