'Á procura do Tesouro' pola praza da Pedreira como fin de festa
Por Redacción
Ao longo de 22 sesións, os escolares descubriron no Pazo da Cultura da man de Migallas Teatro os seus recursos expresivos ademais das súas capacidades creativas a través do xogo. 'Á procura do tesouro' é a actividade que permitiu a 150 menores coñecer a artistas como Maruja Mallo, Goya, Turner ou Rothko.
Este xoves 20 a partir das 19.00 horas, a actividade de dúas dos seis talleres de expresión dramática, musical e plástica que se veu realizando ao longo deste inverno trasládase á rúa, en concreto, á praza da Pedreira.
Nesta expedición os participantes, con idades entre os catro e os 16 anos, que exercerán de piratas limpos, terán que superar as probas e descubrir o tesouro de Escarapote a través de diversas probas.