Gravando un vídeo acústico a través de 'Life in A Tenda'
Por Diego Torrado
Os grupos pontevedreses The Trunks, Furious Monkey House e Mushu foron os protagonistas durante a noite deste mércores da gravación dun vídeo na Tenda & Co., na antiga boleira do centro histórico.
A través da iniciativa 'Life in A Tenda', que promociona a concellería de Promoción Económica, búscase dinamizar este espazo a través da relación entre a música local e os creadores que participaron en Sétima Feira.
Con esta proposta quérese impulsar este espazo. O vídeo foi gravado por Producións Mutantes cun dos temas do repertorio de cada un dos grupos en versión acústica. Á sesión acudiu numeroso público.