O rock de Mago de Oz e Os Solfabirras sobe os decibeis das Festas da Peregrina
Por Diego Torrado & Redacción
A fin de semana grande das Festas da Peregrina chegou á súa fin, como xa é habitual, con protagonismo musical. A mítica banda de rock madrileña Mago de Oz pechou a completa programación de actos deste domingo na praza de España cun concerto no que a acompañou a banda local Os Solfabirras.
Ambas as bandas recolleron a testemuña do son galego e cubano de Roi Casal e, repetindo escenario, subiron os decibeis coas súas propostas musicais, que van desde o folck metal ao rock ou o punk-rock.
Os primeiros en saltar ao escenario foron os integrantes do grupo local de punk-rock Os Solfabirras, banda escollida este ano de entre todos os participantes do festival 15 Bolos para ser teloneiros.
A continuación, o nutrido público asistente vibrou coa banda madrileña, que destaca por buscar elementos diferenciadores nas súas xiras e chegou a Pontevedra para facer un repaso polas cancións da súa dilatada traxectoria nunha xira que os levará por toda España antes de concentrarse en preparar o seu próximo traballo.
A programación musical das Festas da Peregrina continuará durante toda a semana:
- Luns 14: Juan Magán
- Martes 15: Festa dos 40
- Mércores 16: Morat
- Xoves 17: Fangoria
- Venres 18: Pequena Gran Orquestra
- Sábado 19: Novedades Carminha e Familia Caamagno
- Domingo 20: Tamara
Relacionadas:
-
Tamara seduce cos seus boleiros á praza de España
Por Diego Torrado |
-
RADIO.- Nacho Mañó de Presuntos Implicados acompaña a Gustavo Almeida na Ferrería
Por Marisa Ciordia |
-
Juan Magán e o seu electrolatino fan vibrar a praza de España
Por Diego Torrado |
-
O son galego e cubano de Roi Casal abre os concertos das Festas da Peregrina
Por Redacción & Diego Torrado |
-
RADIO.- Roi Casal e "Moha" de Mago de Oz súmanse á Playlist
Por Marisa Ciordia |
-
Roi Casal, Mago de Oz, Juan Magán, Morat, Fangoria, Novedades Carminha e Tamara, nas Festas da Peregrina
Por Anxo Lourido | Creada e actualizada