Culturgal 2018 arranca coa convocatoria de espectáculos especiais
Por Redacción
Culturgal 2018 madruga e abre no mes de abril a convocatoria para os espectáculos especiais da que será a décimo primeira edición da Feira, do 30 de novembro ao 2 de decembro no Pazo da Cultura de Pontevedra.
A partir do 3 de abril e até o 29 dese mesmo mes, a organización da Feira abre convocatoria de recepción de propostas para ser programadas no Auditorio do Pazo da Cultura nas noites do venres 30, sábado 1, e na mañá do domingo 2 dentro da programación da Culturgal 2018.
O obxectivo é favorecer a planificación de empresas e artistas que xa están pechando xiras e concertos para todo o ano.
As propostas para venres e sábado noite estarán dirixidas a público adulto; a matinal do domingo, ao público familiar. O Auditorio do Pazo da Cultura de Pontevedra conta con 752 butacas.
As bases desta convocatoria de espectáculos especiais Culturgal 2018 poden consultarse en www.cultur.gal. Entre os criterios a valorar: proxectos de estrea ou publicación recente, que non se presentasen en Pontevedra aínda, adecuación aos valores da Feira, calidade artística, viabilidade técnica e presentación por parte de entidades asociadas a Culturgal.
A organización da Feira comprométese a comunicar a resolución de dita selección na primeira semana de maio.
Relacionadas:
-
O público do Culturgal premiará a Casa de Rosalía, o Chanfaina'Lab ou a Rede Cultural da Coruña
Por Redacción |
-
Saen á venda as entradas para o Culturgal 2018
Por Redacción |
-
O público do Culturgal "levará o compás" na undécima edición da feira
Por Alejandro Espiño |
-
Un concerto de Carlos Núñez porá a guinda á programación escénica de Culturgal
Por Alejandro Espiño |
-
Xulio Amigo releva a Manuel Bragado na presidencia da asociación Culturgal
Por Redacción |
-
Máis de 14.000 persoas pasaron por Culturgal 17, que pechou cunha homenaxe a Moldes
Por Redacción |