Éxito de actividades e participación na Festa dos Libros
Por Redacción
Durante tres días, a praza da Ferrería converteuse nun centro de actividade literaria con numerosas actividades para todos os públicos e a presenza de decenas de escritores.
Entre as principais propostas destaca a mesa redonda sobre Feminismo e Literatura na que participaron Eli Ríos, Susana Aríns, María Reimóndez, Lara Rozados e a concelleira de igualdade de Pontevedra, Carmen Fouces.
Na última xornada desenvolveuse unha interesante charla-coloquio entre Xesús Alonso Montero e Julián Rodríguez Novo sobre a obra finalista do Premio Nacional de Literatura Dramática 2017, 'Unha morte Lanzal. A traxedia do Bou Eva'. Ademais, a poeta Tamara Andrés e Marcus-Daniel Cabada presentaban o primeiro número da revista Ligeia.
Xa durante a tarde analizouse a traxectoria de O Garaxe Hermético, a Escola profesional de Banda Deseñada de Galicia, de Kiko da Silva, coa presenza de Miriam Iglesias, recentemente premiada nun certame europeo, Fonso Barreiro ou Manuel Tudela. Presentábase neste acto a novela gráfica de carácter colectivo 'Picoto do Pai'.
Arantza Portabales e Suso de Toro foron os últimos escritores nestas xornadas que contaron con numerosas actividades tamén para os máis pequenos. Os actos remataron co concerto de Mad Martin Trío. Numeroso público pasou polos postos de venda das quince librerías que participaron nesta edición.
Relacionadas:
-
RADIO.- Bibiana Bernal: "A Cultura é unha ferramenta infalible de transformación social"
Por Marisa Ciordia |
-
A cidade que le celebra esta fin de semana a Festa dos Libros
Por Manu Otero |
-
As librarías de Pontevedra volven saír á rúa no Día das Letras Galegas
Por Redacción |
-
Kalandraka celebra os seus 20 anos reunindo máis dunha ducia de autores na Festa dos Libros
Por Oskar Viéitez |
-
Centos de persoas achéganse pola Festa dos Libros na súa primeira xornada
Por Redacción |
-
Miriam Iglesias, alumna do Garaxe Hermético, gaña o concurso europeo de ilustración European Comic Schools 2018
Por Redacción |
-
Quince librerías pontevedresas participan esta fin de semana na Festa dos Libros 2018
Por Redacción |