Juan de Castro, Pilar Varela, María Roja, Laura Doval e Pablo Cacheda, xurado do Festival Curtas Armadiña
Por Redacción
O 18 de novembro coñeceranse as curtametraxes gañadoras da edición deste ano do Festival Curtas Armadiña, que se celebra en Poio. Antes, o xurado terá un duro traballo de análise e deliberación para escoller a mellor película da Sección Oficial e da Sección de Animación da cuarta edición deste certame, que se desenvolverá entre os días 12 e 18 de novembro no municipio de Poio.
A organización ofreceu este venres o nome dos compoñentes do xurado coa presenza de Pablo Cacheda, Laura Doval, María Roja, Juan de Castro e Pilar Varela, representante da entidade organizadora.
Cacheda conta cunha ampla traxectoria traballando en produtoras de diversas series e programas. Ademais é director de catro curtas e da coñecida webserie 'Clases de lo Social', ademais do musical 'Superpunky'. Laura Doval, licenciada en Publicidade e Relacións Públicas, é socia da produtora Gaitafilmes e traballou como produtora executiva e xefa de counicación na longametraxe ' Dhogs', gañadora de 13 premios Mestre Mateo.
A actriz María Roja é performer e artista visual licenciada en Belas Artes. Entre outros traballos destaca a súa interpretación na obra teatral 'O Tolleito de Inishmaan' co que obtivo o Premio María Casares á Mellor actriz secundaria.
Pola súa banda, Juan de Castro é produtor de proxectos culturais, presidente de Reecanto Producións coa que dirixiu o Festival Primavera do Cinema en Vigo e o Galician Freaky Filme Festival. A quinta compoñente do xurado será Pilar Varela, representante de ACDeM Armadiña.
A esta edición presentáronse 900 pezas audiovisuais, procedentes de España e Portugal. Nesta ocasión terase unha especial atención á integración das persoas con discapacidade intelectual.
Relacionadas:
-
Curtas Armadiña 2018 presenta unha completa programación durante toda unha semana
Por Oskar Viéitez |
-
O Xurado Novo de Curtas Armadiña 2018 elixe o mellor videoclip
Por Redacción |
-
Curtas Armadiña presenta catro obradoiros gratuitos e abertos ao público xeral
Por Redacción |
-
Poio alza a voz contra as violencias machistas tras a agresión do Armadiña: "xuntas, respectadas e libres"
Por Paula Sanmartín & Redacción | Creada e actualizada
-
A curta galega "Einstein-Rosen", premio Áncora de Ouro do Curtas Armadiña 2017
Por Redacción |
-
Curtas Armadiña 2017 arranca o luns 13 coa súa edición máis completa e innovadora
Por Oskar Viéitez |
-
O festival de curtas Armadiña contará cun xurado integramente feminino para a súa próxima edición
Por Redacción |