Cerdedo-Cotobade empeza a preparar o Día das Letras Galegas 2019, adicado a Antón Fraguas
Por Redacción
A preparación do Día das Letras Galegas 2019, que estará adicado ao escritor, etnógrafo e historiador cotobadés Antón Fraguas, está xa en marcha.
O presidente municipal de Cerdedo-Cotobade, Jorge Cubela, aceptou a invitación cursada pola Editorial Galaxia para manter un primeiro encontro preparatorio en Vigo que contou coa participación do presidente e do director xeral da editora, Antón Vidal e Francisco Castro, entre outros.
Cubela sinalou tras o encontro que se abordaron diversos proxectos literarios e culturais sobre Antón Fraguas para o próximo ano, así como outras posibles iniciativas que se realizarán no municipio.
A reunión "é a primeira de moitas", sinalou, xa que hai previstos encontros de traballo ata final de ano con diversos colectivos e institucións como a Consellería de Cultura, a Secretaría Xeral de Política Lingüística, a Fundación Antón Fraguas ou o consello escolar do IES de Cotobade.
Relacionadas:
-
Cerdedo-Cotobade inicia as homenaxes a Antón Fraguas polas Letras Galegas
Por Redacción |
-
Galaxia reeditará unha obra musical de Antón Fraguas para o Día das Letras Galegas 2019
Por Redacción |
-
O Día das Letras Galegas 2019 estará dedicado a Antón Fraguas, un intelectual de Cerdedo-Cotobade
Por Anxo Lourido | Creada e actualizada