O certame fotográfico O Balcón da Ría amosa as imaxes que fomentan a visita ao Monte Pituco
Por Redacción
O xurado do certame fotográfico O Balcón da Ría destacou as imaxes realizadas por Francisco Currás, María López e José Manuel Domínguez como as máis atractivas das presentadas durante a edición deste ano.
Francisco Currás ofrece un conxunto rupestre de Pornedo co ceo no horizonte foi a fotografía máis destacada polo xurado deste certame, que organiza a Asociación Monte Pituco con motivo das II Xornadas de protección e posta en valor do patrimonio de San Xián, que contaron coa participación dos avogados Juan e Rafael Areses. O xurado entende que a obra fotográfica de Currás convida a visitar o Monte Pituco.
María López recolle uns liques da variedade Cladonia noutra obra destacada polo xurado, do mesmo xeito que o espectáculo visual que ofrece José Manuel Domínguez na imaxe que presentaba a este certame non competitivo, ao que se remitiron 25 instantáneas.
Todos os participantes recibiron unhas pezas cerámicas como obsequio nas que se representan detalles dos petróglifos de Pornedo, Pinal de Caeiro e Sete Camiños.