A mocidade, centro da IV Xornada de Normalización Lingüística
Por Redacción
Este luns 21 de xaneiro, ás 13.00 horas no Salón de Actos do Edificio Administrativo da Deputación de Pontevedra comezará a IV Xornada de Normalización Lingüística.
O programa intentará centrarse na xuventude e na promoción do uso da lingua entre os adolescentes actuais. O departamento de Cultura e Lingua da Deputación elaboraron un programa en que se intenta dar unha visión plural da situación actual da lingua entre a xente nova.
Henrique Monteagudo, coordinador do Seminario de Sociolingüística da Real Academia Galega (RAG) analizará o estudo que está realizando esta institución sobre a percepcióhn do idioma galego entre a Xeración Z.
Anxos Sobriño, presidente da Coordinadora de Traballadoras e Traballadores de Normalización lingüística, que porá o foco na necesidade de contar con servizos municipais de Normalización e levar a cabo iniciativas que conecten coa mocidade como o modelo Club do debate ou os YouTubeir@s.
Carlos Alonso, presidente da Asociación ORAL de Galicia explicará a recuperación das regueifas e da técnica "do repente galego" entre o colectivo de estudantes.
Xiana Lastra, integrante do grupo A banda da loba, falará sobre a música realizada en galego e a utilización de obras de autoras galegas para difundir a cultura.
Xosé Leal, deputado de Cultura e Lingua, explicará as bases das axudas para normalizar e dinamizar a lingua galega na provincia. As axudas poden solicitarse ata o 8 de febreiro e conta cun orzamento de 300.000 euros.
Relacionadas:
-
Abren o prazo para participar na V edición do certame de regueifas en vídeo
Por Redacción |
-
Os videoxogos 'falan' galego: Nace en Pontevedra a revista dixital Morcego
Por Alejandro Espiño |
-
Kiko Dasilva impulsa A Viñeta de Schrödinger, nova revista da banda deseñada galega
Por Redacción |
-
O IES Luis Seoane, sexto na final do Club de Debate
Por Redacción |
-
Os IES Luís Seoane e Sánchez Cantón, representantes de Pontevedra no Club de Debate
Por Redacción |
-
Youtubeir@s, o concurso que quere encher a rede de vídeos en galego
Por Redacción |