O Armadiña Rock suma a Triángulo de Amor Bizarro, High Paw & Elephants Yard e Balkan Bomba
Por Redacción
O festival Armadiña Rock segue a sumar bandas ao cartel da súa undécima edición, que terá lugar en Combarro os días 23, 24 e 25 de agosto. Os organizadores confirmaron o nome de tres novas bandas que subirán ao seu escenario.
Trátase de Triángulo de Amor Bizarro, High Paw & Elephants Yard e Balkan Bomba. Os tres súmanse ás bandas xa confirmadas: NAO e Bastards On Parade.
A organización apostará por unha ampla mestura de xéneros, entre eles, rock, ska, punk, soul ou reggae, achegando así as diferentes formas da cultura musical á vila de Combarro.
Triángulo de Amor Bizarro é unha das grandes apostas desta edición. Os de Boiro son unha das bandas máis prestixiosas do rock alternativo do Estado. O seu estilo persoal con ritmos frenéticos enche os festivais máis importantes da península.
High Paw & Elephants Yard serán as encargadas de poñerlle o punto reggae ao festival. High Paw é unha das artistas galegas máis prometedoras, a cal se xuntará coa experiencia dos Elephants Yards. Virán á Praza da Chousa para facer gozar ao público coa voz desta “singjay” viguesa, que tamén aportará un punto soul ao festival.
Por último, mesturando o ska, rock e folclore da Europa do este, chegarán a Combarro desde Toledo os Balkan Bomba, banda que cambiou os campos de fútbol polos escenarios, espallando festa por onde pasan.
Relacionadas:
-
A "millennial" Festa do Mar abre as súas portas disposta a bater récords
Por Anxo Lourido |
-
Armadiña Rock, un festival artesán que tras once anos aínda trae novidades
Por Oskar Viéitez |
-
Combarro prepara un "sinfín de actividades" para a Festa do Mar
Por Almu Dapena |
-
Dubioza Kolektiv no Armadiña Rock
Por Redacción |
-
Heredeiros da Crus e outras dez bandas amplían o cartaz do Armadiña Rock
Por Redacción |
-
NAO e Bastards on Parade, primeiras confirmacións para un novo Armadiña Rock
Por Alejandro Espiño |