PortAmérica pon data á súa edición de 2020: 2, 3 e 4 xullo, en Caldas de Reis
Por Alejandro Espiño
Ide anotando nas vosas axendas. PortAmérica xa fixou a data para a súa novena edición. Os seus organizadores traballan xa no festival de 2020. Terá lugar os días 2, 3 e 4 xullo e será, un ano máis, na carballeira de Caldas.
O anuncio chega apenas dúas semanas despois da edición deste ano, na que o festival esgotou as entradas dispoñibles en dúas das súas tres xornadas, e congregou a 28.000 asistentes.
Andrés Calamaro, Depedro, Rozalén, Zahara, Madness, Amaia ou Mon Laferte foron, entre outros, algúns dos 35 artistas e bandas que actuaron en Caldas. A eles sumouse unha oferta gastronómica, o ShowRocking, no que participaron unha trintena de cociñeiros de alto nivel. Todos eles serviron máis de 35.000 tapas durante o festival.
De cara ao ano que vén, PortAmérica xa puxo á venda os abonos do festival. Faino a un prezo reducido, 45 euros polos tres días, ata o 1 de setembro. Trátase do abono para crentes, xa que se descoñece aínda a programación musical e gastronómica.
Con esta iniciativa, o festival busca premiar a confianza dos seus espectadores máis fieis.
Relacionadas:
-
PortAmérica 2020 amosa as súas primeiras cartas: Leiva, Rufus Wainwright, Coque Malla ou Sidonie
Por Alejandro Espiño |
-
Case 30.000 persoas gozaron en Caldas da oitava edición de PortAmérica
Por Alejandro Espiño |
-
Os 'portamericanos' vibran, un ano mais, na carballeira de Caldas
Por Alejandro Espiño & Diego Torrado |
-
Sete Festivais Rías Baixas pensados para gozar "da mellor música, nos mellores espazos e coa mellor xente"
Por Oskar Viéitez & Mónica Patxot |