Os pontevedreses Mr. River suben o pano do Festival de Jazz e Blues de Pontevedra
Por Redacción & Cristina Saiz
A música jazz xa ecoa polo centro histórico. Comezou o Festival Internacional de Jazz e Blues de Pontevedra e fíxoo mostrando o talento dos artistas locais. Os pontevedreses Mr. River foron os encargados de inaugurar a edición número 27 deste evento, toda unha referencia no noroeste peninsular.
Nunha ateigada Praza do Teucro, o público puido gozar da fusión do jazz, rock, blues, flamenco, funk ou a música tradicional galega desta banda, formada para este festival e que contou coa colaboración do teclista Adrián Solla.
Mr. River formouse en Pontevedra a finais de 2017 con Miguel del Río, compositor de temas e guitarrista, Santi MarSan no baixo eléctrico e Manuel Bastón Lamas na batería. Este último foi substituído meses despois por Marcos Corbacho.
Todos eles mostraron sobre o escenario o seu estilo propio, bautizado como Riverstyle, un son americano feito en Galicia.
A programación do Festival Internacional de Jazz e Blues de Pontevedra continuará este mércores 24 de xullo, no mesmo escenario do Teucro, co concerto do guitarrista madrileño Álvaro del Valle, que actuará xunto a tres destacados músicos galegos: o saxofonista Fernando Sánchez, o contrabaixista Pablo Patiño e o batería David Puime.
Relacionadas:
-
Os pontevedreses Adrián Solla e Javier Otero inician colaboración profesional co tema 'Seimeira'
Por Redacción |
-
RADIO.- Un pontevedrés compositor, produtor e teclista de artistas de proxección internacional
Por Marisa Ciordia |
-
A Ferrería móvese ao ritmo de Judith Hill
Por Diego Torrado & Anxo Lourido |
-
RADIO.- A playlist de... Adrián Solla, pianista, arreglista e case produtor de tempo
Por Cristina Saiz & Marisa Ciordia |
-
O Festival de Jazz e Blues de Pontevedra dá o salto á Ferrería con Joey de Francesco
Por Redacción & Diego Torrado |
-
Álvaro del Valle Quartet ilumina coa súa música moderna a praza do Teucro
Por Diego Torrado & Redacción |
-
RADIO.- Escoita co Cara a cara aos artistas do Festival Internacional de Jazz e Blues
Por Marisa Ciordia |
-
O jazz e o blues serán a banda sonora da cidade entre o 23 e o 28 de xullo
Por Manu Otero |
-
Judith Hill, José James, Joey De Francesco e Gabriel Peso, estrelas do Festival Internacional de Jazz e Blues
Por Alejandro Espiño |