Armadiña reivindícase como festival de referencia
Por Redacción & Diego Torrado
A segunda xornada de concertos, e o segundo cheo consecutivo na praza da Chousa de Combarro, dá argumentos dabondo ao Festival Armadiña Rock para reivindicarse como cita musical de referencia nas Rías Baixas. Este sábado, o prato forte poñíano os bosníacos Dubioza Kolektiv e a banda de Boiro Triángulo de Amor Bizarro, pero, en xeral durante toda a xornada a afluencia de público foi elevada.
Os bosníacos de Dubioza Kolektiv interpretaron sobre o escenario unha música baseada nas súas raíces, mesturando o folclore da súa terra co rock, reggae ou hip- hop cunha mestría que, a pesar das diferenzas culturais, conseguiron que o público de Combarro entregásese e sentise os seus temas como seus.
Triángulo de Amor Bizarro xogaba case en casa. Chegou a Poio como unha das bandas máis importantes do indie estatal e ofreceu unha mestura dun son cercan ao punk-rock con melodías pop.
A banda sonora da noite completárona referencias do hip- hop en galego como Deus Ke Che Crew, bandas tan importantes como Familia Caamagno, Balkan Bomba ou músicos emerxentes como Los Jinetes del Trópico.
Toda a programación do Armadiña Rock 2019, patrocinado polo Concello de Poio, a Deputación de Pontevedra e Estrela Galicia, pode consultarse a través da súa páxina web oficial.
Relacionadas:
-
Armadiña Rock 2020 xa ten datas: do 21 ao 23 de agosto
Por Redacción |
-
O Armadiña Rock saca peito do éxito dunha edición con máis de 25.000 espectadores
Por Redacción |
-
A Polcía Local de Poio busca os donos de objetos perdidos nos concertos do Armadiña Rock
Por Redacción |
-
A música dos Heredeiros da Crus enche Combarro
Por Redacción & Diego Torrado |
-
Neptuno dirixe unha carta nunha botella á xente do Armadiña
Por Redacción |
-
Xosé Constenla, pregoeiro e músico en acústico no Armadiña
Por Almu Dapena |
-
O Armadiña Rock terá dous "Puntos Lila" contra as agresións machistas
Por Oskar Viéitez |