Esperando á próxima fin de semana con máis Núbebes
Por Diego Torrado
O Festival das Núbebes xa completou a súa primeira fin de semana e o público xa agarda con ansia as dúas próximas xornadas cheas de actividades destinadas aos máis pequeniños.
Sábado 28
- "Patapatún, tun, tun!!" o espectáculo de maxia do Mago Paco, para nenos de 1 a 4 anos, desenvolverase en tres sesións ás 11.45, 17.00 e 18.15 horas. Será na Sala Almofrei da Casa Azul. A entrada costará 2,5 euros.
- "O sombreiro que voou" é un conto vivenciado pola Asociación Amencer (Iria Ibusquiza e Ingrida Kontrimine). Está pensado para nenos de 1 a 5 anos. Haberá tres pases, ás 12.30, 17.15 e 18.15 horas no Patronato de Turismo Rías Baixas.
- "Caracoles", un espectáculo de teatro de Eugenia Manzanera para nenos de 8 meses a 4 anos. Será ás 12.45, 17.30 e 18.45 horas no Teatro Principal. O custe da entrada é de 2,5 euros.
- "Lúa, lúa, sol" é un obradoiro musical a cargo da Flauta Mágica con pases ás 11.45, 16.45 e 18.30 horas no Sexto Edificio do Museo de Pontevedra para nenos de 0 a 3 anos e con entrada de balde.
Para o Domingo 29:
- "Na procura do reino de Cernicornio", é un obradoiro de ioga a cargo de Iria Carrera que terá lugar ás 11.30, 17.00 e 18.00 horas no Patronato de Turismo Rías Baixas para nenos de 3 a 6 anos e con entrada de balde.
- "O xogo de Nano". Contos a cargo de Raquel Queizás para nenos de 1 a 3 anos. De 11.45, 17.00 e 18.00 horas na Sala Almofrei da Casa Azul e con entrada a 2,5 euros.
- "Guerra de almofadas" declararase ás 12.30 horas na Praza do Teucro. Cada participante (pequenos e grandes) deberá traer o seu coxín ou almofada
- "A Voar". Ás 13.00 horas, na Praza do Teucro, Cé Orquestra pantasma fará un espectáculo de música na rúa para un público familiar e con entrada de balde.
- Concerto "Banda Moraima" e clausura con Roque. Ás 19.00 horas no Teatro Principal con Marcelo Dobode e Beatriz Martínez / Percubebés. A entrada custa 2,5 euros.
Relacionadas:
-
Contos, maxia, teatro, música e mesmo un obradoiro de ioga para bebés despiden o Festival das Núbebes
Por Redacción & Diego Torrado |
-
Chegaron as "cousas bonitas" do Festival das Núbebes
Por Oskar Viéitez & Cristina Saiz |
-
Maxia e un obradoiro de cociña por parte da Asociación Down 'Xuntos', principais novidades da VII edición do Festival Núbebes
Por Almu Dapena |