A 'Galicia insólita' de Os de Algures pon en pé o Teatro Principal de Pontevedra
Por Redacción & Diego Torrado
Un ano máis, e xa van seis, Os de Algures estreou un novo espectáculo etnográfico. E de novo cun gran éxito. Cun Teatro Principal cheo, a agrupación folclórica escenificou por primeira vez A Galicia Insólita. Tan lonxe e tan preto, unha montaxe baseada no libro de Antonio Fraguas, autor homenaxeado este ano co Día das Letras Galegas.
Máis de 80 intérpretes, músicos e bailaríns subíronse ao escenario para representar este espectáculo, que contou coa colaboración da Aula Municipal de Teatro, Tarabelo Teatro, Pandereteiras e Bailadores Sadeo, o coro de veteranos da Xunqueira, Vinderel e o Ballet Folclórico Galego. Ademais, o vestiario foi achegado por Sete Espadelas.
A Santa Compaña, que percorreu parte do centro histórico antes do inicio do espectáculo, protagonizou un dos cinco actos deste espectáculo, no que Os de Algures repasaron, a partir dunha viaxe que un gaiteiro e un tamborilero realizan ata San Andrés de Teixido, algunhas das tradicións galegas máis ancestrais.
A Galicia máis sorprendente púidose ver a través, entre outras escenas, dun bautismo prenatal, dun velorio co tradicional xogo do "abellóns" ou dunha voda onde a pragmática real tentaba evitar os excesos das comidas galegas nestas celebracións.
Interpretación, música e baile mesturáronse nunha obra que recolle o mellor da tradición e da cultura galega e que logrou o aplauso unánime do público pontevedrés, que dedicou unha extensa ovación ao termo do espectáculo.
Relacionadas:
-
Os de Algures celebran no Principal unha década de actividades musicais e artísticas
Por Redacción |
-
'Os Animais de Fraguas', libro inédito do autor cotobadés cos deseños de Kiko da Silva e Miguelanxo Prado
Por Redacción |
-
Música e pasarela de traxes tradicionais, a combinación perfecta de Os de Algures con Sete Espadelas
Por Mónica Patxot & Redacción |
-
Os de Algures e Sete Espadelas convidan a botar 'Unha ollada polas arcas pechadas' este venres no Principal
Por Redacción & Mónica Patxot |
-
Barro e Portas acollerán o novo espectáculo de Sete Espadelas, centrado nos traxes do Camiño de Santiago
Por Redacción |
-
Sete Espadelas obtén dous galardóns nos Premios de Investigación Antonio Fraguas na súa XXV edición
Por Redacción |
-
Cerdedo-Cotobade pecha os actos das Letras Galegas con 'A Galicia insólita', homenaxe a Antonio Fraguas
Por Redacción |
-
Os traxes tradicionais de Sete Espadelas exhíbense nos escaparates das galerías da Oliva
Por Redacción |
-
'A Galicia insólita', de Antonio Fraguas, aparecerá este domingo no Teatro Principal con Os de Algures
Por Cristina Saiz & Anxo Lourido |