A música de Johann Strauss estrea o ano cultural de Afundación en Pontevedra
Por Redacción
O tradicional concerto de Aninovo que Afundación celebra no seu auditorio de Pontevedra permitirá aos pontevedreses, un ano máis, gozar coa música do compositor alemán Johann Strauss.
Será o vindeiro venres 3 de xaneiro, ás 20.30 horas, co concerto que protagonizarán a Strauss Festival Orchestra e a compañía Strauss Festival Ballet Ensemble.
O programa está inspirado na tradicional cita musical que cada ano se celebra en Viena e inclúe obras como Napoleón, Festa das flores, O valse do emperador, Champagne, O Danubio azul ou a Marcha Radetzky, que adoita pechar a velada.
Esta produción recibiu grandes ovacións nas grandes salas de toda Europa, entre elas, o Musikverein de Viena, o Concertgebouw de Ámsterdam, a Philarmonie de Berlín, o Musikhalle de Hamburgo, o Auditorium Parco della Musica de Roma, o Gran Teatre do Liceu ou o Palau da Música de Barcelona e o Teatro Real de Madrid.