A 'Nación' de Margarita Ledo retoma a súa rodaxe en Ponte Sampaio
Por Alejandro Espiño
A cineasta Margarita Ledo volve a estar inmersa na rodaxe da súa próxima película. A segunda fase de gravación do filme Nación comezou esta mesma semana en Ponte Sampaio.
Alí, segundo traslada a produtora Nós, cobran importancia antigas traballadoras da fábrica de cerámica de Pontesa, que son protagonistas da súa propia historia.
Nación é unha película con perspectiva de xénero que conta con subvención de AGADIC e obtivo o premio Luísa Villalta.
As localizacións da película, ademais de Pontevedra e Soutomaior, levarán a Margarita Ledo e ao seu equipo á fábrica de Sargadelos en Sada, Castro de Rei, Santiago de Compostela e varias zonas das Rías Baixas.
Ademais da dirección e o guión de Ledo, Nación conta con Alberte Branco como director de fotografía e coa música de Mercedes Peón.
A película aborda unha historia de intimidade que desde a produtora defínena como a propia da muller operaria que, desde o agro e o mar, accede ao traballo industrial.
Relacionadas:
-
Margarita Ledo, premio á mellor dirección no Festival de Sevilla pola película "Nación"
Por Alejandro Espiño |
-
"Nación", a película de Margarita Ledo sobre as mulleres de Pontesa, estrearase en Sevilla
Por Alejandro Espiño |
-
"Un asunto privado", a primeira serie de Bambú para Amazon, gravarase en Pontevedra
Por Alejandro Espiño |
-
Margarita Ledo e Xacio Baño mostran onde se agochan Indiana Jones, John Ford e Kubrick no Museo de Pontevedra
Por Mónica Patxot & Anxo Lourido |