Armadiña Rock 2020 xa ten datas: do 21 ao 23 de agosto
Por Redacción
A XII edición do Festival Armadiña Rock xa ten calendario. Celebrarase os días 21, 22 e 23 de agosto de 2020 en Combarro.
A ACDeM Armadiña, que promove a cita musical, adiantou esta data elixida na cuarta fin de semana de agosto e tamén que, como é habitual, estará enmarcado nunha das maiores festas gastronómicas da contorna, a Festa do Mar.
De momento, a asociación non anuncia nomes dos grupos que actuarán no festival, tan só que unha mestura de música e cultura invadirá todos os recunchos da vila, convertendo as prazas no epicentro das actividades de día, e a praza da Chousa no escenario principal para os concertos.
Segundo anunciaron, contarase un ano máis coa zona de acampada na Reiboa (A Seca) e esta XII edición do Festival Armadiña Rock estará organizado pola ACDeM Armadiña e apoiado polo Concello de Poio e pola Deputación de Pontevedra.
Relacionadas:
-
Lamentan que o Concello de Poio volva "contraprogramar" o Armadiña Rock
Por Redacción |
-
O Armadiña Rock adíase ata 2021 pero busca fórmulas alternativas para este verán
Por Redacción |
-
O Armadiña Rock saca peito do éxito dunha edición con máis de 25.000 espectadores
Por Redacción |
-
O Concello de Poio valora moi positivamente a última edición da Festa do Mar
Por Redacción |
-
Armadiña reivindícase como festival de referencia
Por Redacción & Diego Torrado |