C. Tangana lidera as cinco novas confirmacións do Atlantic Fest
Por Alejandro Espiño
Cinco novas actuacións musicais súmanse ao cartel do festival Atlantic Fest que, por vez primeira, celebrarase na praia da Concha de Vilagarcía os días 24, 25 e 26 de xullo.
O artista C. Tangana, todo un fenómeno na música urbana española, lidera esta nova rolda de confirmacións. Será a súa única visita a Galicia este verán.
Con máis de sete millóns de oíntes mensuais e éxitos como Mala Mujer, Un Veneno, No te debí besar, Llorando en la Limo e Booty, entre outros, é un dos artistas españois máis difundidos e mostrará en Vilagarcía o seu son persoal e o seu estilo intimista e próximo.
Xunto ao madrileño, o Atlantic Fest recibirá á 'cantaora' flamenca María José Llergo, o grupo de electropop Ladilla Rusa, o artista de R& B Tito Ramírez e Kaixo, unha das cabezas visibles das novas tendencias do hip-hop e a música electrónica.
Todos eles únense aos xa confirmados Amaia, Fuerza nueva, Carolina Durante, Javiera Mena, Derby Motoreta's Burrito Kachimba e Núria Graham.
Os abonos para o festival atópanse á venda a través da web www.atlanticfest.com a un prezo de 50 euros ata o 9 de abril.
Relacionadas:
-
Carolina Durante estará, xunto a Javiera Mena e Núria Graham, no Atlantic Fest 2020
Por Redacción |
-
Amaia, Fuerza Nueva e Derby Motoreta's Burrito Kachimba estrean o cartel do Atlantic Fest 2020
Por Alejandro Espiño |
-
O Atlantic Fest, de mudanza: deixa A Illa e a edición de 2020 celebrarase en Vilagarcía
Por Alejandro Espiño |