O Museo anima ao público infantil a elaborar unha exposición virtual
Por Redacción
O Museo de Pontevedra pon sobre a mesa unha nova proposta para realizar en familia: que os nenos se animen a facer de comisarios dunha exposición virtual dende as súas propias casas durante o confinamento.
Baixo o título "Xogamos, lemos e debuxamos na casa", a intención é que os pequenos coñezan o funcionamento interno dos museos, escollan obxectos (debuxos, contos ou xoguetes) dos seus domicilios e lles tiren unha foto para que despois un adulto a colgue no Facebook do Museo.
Con todas as aportacións farase unha exposición virtual a través dunha vitrina imaxinaria.
Para acompañar no proceso dende o Museo e ao longo desta semana, entre o martes e o venres, tres técnicas do museo guiarán a andaina a través de catro vídeos, un por día, nos que explicarán cal é a proposta e como participar.
A partir do venres pola tarde ata o sábado ás 18 horas, as persoas participantes poderán subir as fotografías da súa vitrina e da súa publicidade ao Facebook dun adulto co cancelo #eusonomuseodepontevedra. Entón será cando o director da institución museística procederá a inaugurar a exposición, tamén a través dun vídeo feito para a ocasión.
Hai que lembrar que, de forma paralela, o Museo segue tamén coas actividades do ‘Museo en familia’ que se poden consultar e descargar na páxina web, e con visitas virtuais con fotos en 360º das salas de exposicións permanentes e temporais do Sexto Edificio a través de Facebook.
Relacionadas:
-
As redes sociais do Museo de Pontevedra permitirán visitar as instalacións "a porta pechada"
Por Redacción |
-
Fallan os premios 'O que ves desde a túa xanela' da Deputación
Por Redacción |
-
Cancelada a terceira edición do festival infantil e xuvenil 'O Museo de Pontevedra en curtametraxes'
Por Redacción |
-
Xogando co Museo a buscar as dez diferencias en obras de Castelao
Por Oskar Viéitez |
-
O Museo invita á rapazada a personalizar as pezas da mostra "Debuxantas"
Por Redacción |
-
Percorridos en 360º e visitas a museos e monumentos para unha corentena moi cultural
Por Redacción |
-
Obradoiros formativos e de lecer para os máis pequenos, nova iniciativa do Museo para pasar o confinamento
Por Redacción |