O Museo de Pontevedra reabrirá prorrogando as exposicións de 'Leopoldo Novoa' e 'Debuxantas'
Por Redacción
As exposicións que estaban vixentes no Museo de Pontevedra o pasado 12 de marzo, cando a Covid-19 obrigou ao seu peche, seguirán sendo protagonistas na reapertura.
Trátase das mostras 'Leopoldo Nóvoa 1919-2019', e 'Debuxantas. Pioneiras da ilustración', que apenas estivo unhas horas aberta ao público.
Agora, tras semanas de trámites, acordouse cos propietarios e depositarios de todas as pezas a permanencia das dúas exposicións en Pontevedra ata o 30 de agosto.
A extensión no tempo das exposicións no Museo foi negociada coas persoas e entidades propietarias e depositarias.
No caso de ‘Leopoldo Nóvoa 1919-2019’ contouse coa colaboración de Sabela Nóvoa e Mercedes Bragante Nóvoa -filla e sobriña de Nóvoa-, José Blanco, Sofía Santos, Adolfo Sobrino, Víctor Montenegro, o Centro Galego de Arte Contemporánea, Colección BBVA, Colección ABANCA, Fundación Barrié, Fundación Luís Seoane e o Museo de Belas Artes da Coruña.
No caso de 'Debuxantas' inicialmente expuxéronse dificultades ao estar planificada noutra localidade que, ante a imposibilidade de celebración nas datas previstas pola prohibición de traslados interprovinciais, cancelou e permitiu a ampliación en Pontevedra.
Segundo explica o director da institución museística, Xosé Manuel Rey, están practicamente preparados para a reapertura, que se levará a cabo tan pronto se autorice por parte das autoridades ao chegar á fase 2 da desescalada, o 25 de maio se non existen complicacións.
A volta realizarase en todo caso cumprindo as garantías sanitarias, con control de aforo e de temperatura aos visitantes entre outras medidas.
Relacionadas:
-
O Museo de Pontevedra recibe 68 obras de Leopoldo Nóvoa doadas pola súa viúva, Susana Carlson
Por Redacción |
-
A exposición "máis ambiciosa" sobre a Xeración Nós, no Museo na primavera de 2021
Por Alejandro Espiño |
-
O Museo de Pontevedra reabrirá o martes 2 de xuño cun 30% do seu aforo
Por Alejandro Espiño & Mónica Patxot |
-
"Voces diversas" para celebrar en Pontevedra o Día dos Museos
Por Redacción |
-
O Museo estrea o venres 'Solpor', a súa primeira exposición fotográfica virtual
Por Redacción |
-
O Consello Asesor elixe por unanimidade a proposta de logotipo para o Museo
Por Redacción |
-
O Museo organiza contos virtuais para os pequenos durante o mes de maio
Por Redacción |
-
O Museo propón xogar coa ‘vestimenta’ das súas obras de arte
Por Redacción |
-
Proba a facer pasatempos sobre a colección de Prehistoria e historia antiga do Museo de Pontevedra
Por Redacción |
-
O Museo invita á rapazada a personalizar as pezas da mostra "Debuxantas"
Por Redacción |
-
Pontevedra rende homenaxe a Leopoldo Nóvoa cunha mostra retrospectiva no Museo
Por Sara Iglesias & Cristina Saiz |