Acústicos de Rayden e Arco para o MicroSonRías, a alternativa ao SonRías Baixas
Por Alejandro Espiño
Dous concertos "desenchufados pero amplificados" e sorpresas musicais en espazos singulares da vila. É o que ofrecerá a alternativa que o SonRías Baixas deseñou ante a cancelación do festival pola pandemia do coronavirus. Trátase do programa MicroSonRías.
O recinto da Estacada volverá a encherse de música durante os días previstos para o festival. Así, o venres 31 de xullo soará o rock de acento flamenco do carismático cantante, guitarrista e compositor de El Puchero del Hortelano, Arco.
Ao día seguinte, o sábado 1 de agosto, será a quenda do artista urbano Rayden, que encherá co seu enxeño, tenrura e verbo afiado o oco que deixou no calendario de festivais o adiamento do SonRías Baixas aos días 5, 6 e 7 de agosto de 2021.
As persoas que conservaron a súa entrada para o SonRías Baixas 2021 poden mercar xa o seu pase para o MicroSonRías. O resto do público poderá facelo a partir das 12.00 horas de este xoves por 10 euros a entrada para un día e 15 euros o abono para os dous.
O MicroSonRías redefine, ademais, o concepto de destino SonRías, conxugando unha programación musical de calidade cunha coidada proposta de ocio activo, gastronómico y natural, profundamente integrada no territorio.
Así, algúns artistas visitarán algúns dos espazos máis singulares da comarca, onde ofrecerán pequenas actuacións e probarán algunhas xoias da gastronomía das Rías Baixas.
Relacionadas:
-
O MicroSonRías demostra que a cultura é segura tamén en época de pandemia
Por Redacción |
-
Arco, Rayden e Mounqup, nun MicroSonRías "desechufado pero amplificado"
Por Alejandro Espiño |
-
Os Rías Baixas Fest organizarán microconcertos nos meses de setembro e outubro
Por Oskar Viéitez |
-
O festival SonRías Baixas aprázase ata o verán de 2021 mantendo a Kase.O como cabeza de cartel
Por Diego Espiño |
-
O Rías Baixas Fest prepárase para marcar un plan de traballo cando remate o estado de alarma
Por Redacción |
-
Carmela Silva, sobre os festivais de música: "Non estou disposta a que se perda nin un só en Pontevedra"
Por Oskar Viéitez |