VÍDEO.- O primeiro concerto da nova normalidade esgotou as entradas na Explanada do Recinto Feiral
Por Cristina Saiz
Este sábado 600 persoas gozaron novamente da música ao vivo. Foi da man de Xabier Díaz e Adufeiras de Salitre e de seguido, Guadi Galego.
Ambos presentaron os seus discos en Pontevedra neste concerto especial que aunou as actuacións plantexadas por separado dentro dos ciclos As Matinés do Principal e Voices, respectivamente.
A acollida desta iniciativa promovida polo Pazo da Cultura e o Concello de Pontevedra da man da produtora I-radia Crea non puido ser mellor xa que esgotaron as 600 localidades a disposición do público (un aforo reducido por mor da situación actual).
Para facilitar a acomodación das mesmas de xeito escalonado e o cumprimento de todos os protocolos e medidas de seguridade necesarias, a apertura de portas tivo lugar dúas horas antes do inicio do espectáculo musical, ás 18:00 horas.