Cultura Quente retoma o xoves a súa programación tras unha primeira semana de notable acollida entre o público
Por Redacción
O Campo da Torre de Caldas de Reis será a partir do xoves 23 o escenario das propostas que segue ofrecendo a presente edición do festival Cultura Quente, adaptado aos condicionantes aos que obriga a situación sanitaria da COVID19. Desta forma todos os espectáculos terán límite de aforo e quen acuda dispoñerán de xeles hidroalcohólicos de peto que entregará o Concello.
Así, o ciclo Son Cileno, en referencia ao pobo que habitaba Caldas na época prerromana, ofrecerá o concerto de Choriños e Afíns a partir das 22 horas do xoves. Ofrecerán un repertorio de chorinhos clásicos, choros compostos polo grupo e arranxos da cultura musical brasileira. O venres 24 ás 22.00 horas será a quenda de Dj Óscar e unha hora despois subirán ao escenario Os Meninos, cunha proposta musical que mira a Portugal mesturando o fado, o jazz, o flamenco, o tango e o reggae.
O sábado 25 continuará a programación ás 22 horas con Dj Xaby e ás 23.00 horas concerto de folk galego con Os D'abaixo que ofrecerán coñecidos temas populares, outros recuperados de recollidas propias e novas composicións. A xornada do domingo 26 prevé unha sesión vermú amenizada pola agrupación folclórica de Caldas, As Espiñas.
Na estrea da súa programación especial para este verán de 2020, durante os pasados xoves e domingo, a acollida do público resultou satisfactoria; sinalou o Concello de Caldas. Neses catro días as actividades previstas desenvolvéronse na Praza das Palmeiras.
Relacionadas:
-
Caldas reforza o cartel dunha nova semana de "Cultura Quente" que coincide coas festas patronais
Por Redacción |
-
Cuarta semana do Cultura Quente en Caldas, coa música de Froján e Las Varas e arte na rúa con Kaldarte
Por Redacción |
-
Máis de 100 artistas e 20 agrupacións locais pasarán en agosto polo Cultura Quente 2020
Por Redacción |
-
A Tafona de Caldas de Reis colle esta semana o relevo como emprazamento das propostas do 'Cultura Quente'
Por Redacción |
-
Caldas súmase á campaña #MiPuebloSinBasuraleza e acondiciona o seu tramo do Camiño Portugués
Por Redacción |
-
Manteis hixiénicos, promocionais e igualitarios para apoiar á hostalería de Caldas
Por Redacción |
-
Comeza o Festival Cultura Quente con sesión de contos para adultos, DJs e música local
Por Redacción |
-
O 'Cultura Quente 2020' preséntase en cinco bloques temáticos que apostan pola creatividade local
Por Redacción |
-
'Caldas, Cultura Quente' ofrecerá un programa lúdico e cultural adaptado ás limitacións da pandemia
Por Redacción |