Isona Admetla, Sergi Moreno, Silvia Lobo e Pepe Coira: asesores do Novos Cinemas #LAB
Por Redacción
A cuarta edición de Novos Cinemas - Festival Internacional de Cine de Pontevedra, que se celebrará entre o 15 e o 20 de decembro, fai este luns públicos os nomes do equipo asesor que que formará parte do #LAB, o espazo a través do que se promove o desenvolvemento de proxectos cinematográficos internacionais mediante o encontro entre cineastas noveis e profesionais de recoñecida traxectoria e sensibilidade cara a propostas de natureza independente.
Nesta cuarta edición, o equipo asesor estará formado por Isona Admetla, coordinadora do fondo para a cinematografía Berlinale-World Cinema Fund; Sergi Moreno, produtor executivo en Lastor Media; Silvia Lobo, responsable de distribución de Elamedia Estudios; e Pepe Coira, guionista, director de desenvolvemento e produtor executivo para diversas compañías.
O prazo para inscribir proxectos nesta edición do LAB de Novos Cinemas estará aberto ata o martes 15 de setembro, incluído.
Relacionadas:
-
Catro películas inéditas en Galicia competirán na sección Latexos de Novos Cinemas
Por Redacción |
-
Novos Cinemas daralle ao cineasta Luis López Carrasco o seu primeiro recoñecemento en solitario
Por Redacción |
-
Rías Baixas Film Fest, a marca que relanzará os festivais de cine de Pontevedra
Por Redacción |
-
A quinta edición do festival Novos Cinemas abre o prazo de presentación de obras
Por Redacción |