O Pazo 'absorberá' a actividade cultural do Principal durante as obras de reforma
Por Alejandro Espiño
A actividade cultural de Pontevedra "non se resentirá" durante o peche previsto, aínda sen data, do Teatro Principal para acometer obras de reforma. Así o asegurou a edil de Cultura, Carmen Fouces, durante a presentación da programación para os próximos meses.
A rehabilitación do Principal, segundo Fouces, permitirá dar un "novo impulso" á súa actividade, ao contar cunhas instalacións mellores e poder aproveitar novos espazos.
As obras comezarán "en breve", recoñeceu a responsable municipal de Cultura, e centraranse principalmente na platea do teatro e na instalación dun moderno sistema de iluminación.
Ademais, prevese mellorar a accesibilidade de todas as plantas, para o que se instalará na entrada un ascensor panorámico, e avanzarase en materia de eficiencia enerxética.
"Queremos que o teatro luzca todo ou ben que merece a cidade", explicou a edil.
Esta será unha "primeira fase" da rehabilitación prevista no Principal e xa se está traballando no proxecto para ampliar esta actuación, na medida da dispoñibilidade das arcas municipais para sufragar estas obras.
O Principal, engadiu Fouces, "seguirémolo usando ata que comecemos as obras" cando, por motivos de seguridade, a programación cultural se concentre no Pazo da Cultura.
Relacionadas:
-
A reforma do Teatro Principal incluirá iluminación dixital, un ascensor e aseos adaptados
Por Alejandro Espiño |
-
O pianista Alberto Vilas actuará para 60 persoas no Principal o 15 de novembro
Por Redacción |
-
O PP "non logra entender" os motivos para a disolución do organismo autónomo do Pazo da Cultura
Por Redacción |
-
Oito sesións de "Fariña", prato estrela dun Ponteatro que regresa con cinco espectáculos
Por Alejandro Espiño |
-
Ele, Manel, SÉS e Carlos Núñez actuarán en Pontevedra no último trimestre do 2020
Por Alejandro Espiño |
-
Un novo servizo municipal coordinará a actividade do Pazo de Cultura e do Teatro Principal
Por Alejandro Espiño |
-
O Concello de Pontevedra reformará o Teatro Principal e disolverá o organismo autónomo do Pazo da Cultura
Por Oskar Viéitez |