Un cepo de áncora romana aparecido na ría de Pontevedra, protagonista de A Porta Pechada do Museo
Por Redacción
Continúan as sesións de #aportapechada para descubrir algunhas das pezas máis relevantes que se atopan nas instalacións do Museo de Pontevedra. Nesta ocasión, Paula Tilve, do departamento de Educación, é a encargada de explicar a historia e características dun cepo de áncora romana.
Esta peza arqueolóxica atópase na sala dedicada ao mundo romano no edificio Sarmiento. Segundo os especialistas, esta peza remóntase a un período situado entre os séculos I e III da nosa era. Foi atopada por José María Mosquera no ano 1985 no lugar de Punta Udra, no fondo da ría de Pontevedra.
Este cepo apareceu xunto a outro de similares proporcións, ambos pertencían a un barco de ao redor de 200 toneladas, ben dotado para a navegación oceánica. Segundo os expertos, o barco procedería da ría de Arousa en dirección ao sur cando empuxado pola forza do mar ou buscando refuxio naufragou na ría de Pontevedra.
O cepo tiña como misión principal que se afirmara de maneira segura a cana e os brazos da áncora no fondo mariño. Realizado en chumbo, conta cunha lonxitude de metro e medio.
Relacionadas:
-
#Aportapechada amosa a parte "invisible" do Museo de Pontevedra
Por Redacción |
-
Coñece o "sorriso bobo" do sepulcro de Suero Gómez de Soutomaior en #aportapechada do Museo de Pontevedra
Por Anxo Lourido |
-
#Aportapechada do Museo amosa como se restaura unha obra artística atacada por insectos
Por Redacción |
-
‘Retablo de San Acacio e os dez mil mártires do monte Ararat’, a pintura sobre táboa máis antiga da arte galega
Por Redacción |
-
O Museo convida a coñecer online as Ruínas de San Domingos, o seu edificio máis antigo
Por Redacción |
-
O Museo promove a difusión dalgunhas das súas máis valiosas pezas a través de #aportapechada nas redes sociais
Por Redacción |