"Ons" resiste na carteleira de Pontevedra tras superar os 5.000 espectadores en toda Galicia
Por Redacción
A película Ons, dirixida por Alfonso Zarauza, continúa a colleitar éxitos na súa carreira comercial. Tras superar os 5.000 espectadores nas salas de cine galegas, completará a súa quinta semana en carteleira -a segunda en Pontevedra-.
Ons, protagonizada por Melania Cruz, Antonio Durán Morris ou Xúlio Abonjo, chegou a converterse no filme con máis espectadores por pantalla de toda España.
Ao mesmo tempo, o filme encara a seguinte etapa da súa distribución no circuíto de cineclubs, auditorios e outras entidades culturais, que xa están a programar a película.
Así, xunto coa súa presenza nos cines de Santiago, Vigo, Ourense, Pontevedra, Lugo e Ferrol, Ons poderá verse en próximos días noutras localidades galegas aínda por confirmar.
Ademais destas proxeccións, os responsables de Ons veñen de confirman que a película presentarase aos XIX Premios Mestre Mateo con catorce candidaturas, entre elas as de película, actores principais, director, guión, montaxe ou dirección de fotografía e de arte.
Ons é un drama emocional con toques de misterio protagonizado por un matrimonio en crise, que trata de salvar a súa relación vivindo unha temporada na illa de Ons e que cruza o seu destino co dunha muller amnésica que aparece naufragada na praia.
Relacionadas:
-
A mirada "honesta" de Alfonso Zarauza sobre Pontevedra converterase en película
Por Alejandro Espiño & Mónica Patxot |
-
"Ons" e "A illa das mentiras" encabezan as candidaturas aos Premios Mestre Mateo
Por Redacción |
-
'Ons', a película de Alfonso Zarauza, xa pode verse nos cines comerciais de Pontevedra
Por Redacción |
-
"Ons" celebra en Pontevedra ser a segunda película máis vista nos cines galegos
Por Redacción & Mónica Patxot |
-
O Teatro Principal acolle a estrea comercial da película 'Ons' de Alfonso Zarauza a vindeira semana
Por Mónica Patxot & Redacción |