O humor de 'Cartoóns' alegra a xornada en Domingos do Principal
Por Redacción & Cristina Saiz
Xornada de humor e risas no Teatro Principal, nunha das últimas citas de Domingos do Principal.
Nesta ocasión os protagonistas foron os actores Víctor Mosqueira e Josito Porto, dando vida a dous pallasos que viven á marxe de todo no espectáculo 'Cartoóns'.
Trátase dunha coprodución das compañías Producións Excéntricas e Teatro do Adro que ofreceu un dobre pase no Teatro Principal, para goce dos máis pequenos.
Neste espectáculo musical e de clowns, os protagonistas sérvense deses cartóns que a xente tira e non serven de moito para construír cousas e historias que contar ao público.
Aínda que na súa recta final, Domingos do Principal aínda garda algunha sorpresa máis na súa programación, continuando o domingo 2 de maio co Contacreques da compañía Eme2.
Relacionadas:
-
A obra de teatro infantil "Cartoóns" leva o seu humor didáctico ata A Lama
Por Redacción |
-
O público pontevedrés non deixa só a Robinson Crusoe no Teatro Principal
Por Cristina Saiz |
-
Unha xornada de Domingos do Principal para 'sementar' o amor polo teatro
Por Redacción & Cristina Saiz |
-
Domingos do Principal internacionalízase con "Semente", da compañía portuguesa Ajidanha
Por Redacción |