Na procura dos novos Manuel Torres
Por Redacción
A actividade 'Pinta con...' permitirá que os escolares que visiten o Museo de Marín poidan realizar obras seguindo o estilo do pintor Manuel Torres.
Trátase dunha iniciativa presentada este martes pola concelleira Itziar Álvarez, que informaba da entrega dun caderno ao alumnado que realice estas visitas para que vexan os bosquexos a unha liña dos cadros do artista marinense.
Con motivo do Día dos Museos, os escolares que visitaron o museo xa recibiron este caderno para que coñezan as obras de Torres e poidan tomalas como referencia para desenvolver a súa creatividade e para pintar seguindo o seu estilo.
Segundo indicou a concelleira, a intención do goberno local tamén é repartir estes cadernos non só durante as visitas de centros escolares senón tamén nos casos de menores que se acheguen ata o museo pola súa conta ou acompañados por familiares.
A proposta busca achegar a obra de Manuel Torres ao público infantil para que coñezan a súa creatividade e, ao mesmo tempo, desenvolvan a súa propia actividade artística
Relacionadas:
-
Un cadro restaurado e un vídeo para celebrar o 120 aniversario de Manuel Torres
Por Redacción |
-
A obra de Manuel Torres fomenta a capacidade creativa do alumnado do EEI O Grupo
Por Redacción |
-
Familiares do pintor Alejandro Paisa doan catro cadros ao Museo Torres
Por Redacción |
-
O Museo Manuel Torres alberga máis de 500 pezas arqueolóxicas recuperadas en Marín
Por Redacción |
-
Un dos poucos cadros con hórreo de Manuel Torres, en restauración para amosalo no Museo Municipal
Por Redacción |
-
Os pequenos da Escola Infantil O Grupo inspíranse no Museo Manuel Torres
Por Redacción |