As festas de San Xoán recuperan os seus concertos
Por Redacción
As festas de San Xoán de Poio volverán estar marcadas pola situación da pandemia. O programa atópase aínda en fase de confección, pero unha das partes máis agardadas, a dos concertos musicais, atópase xa pechada. Lucía Pérez, Susana Seivane e Gustavo Almeida ofrecerán este verán actuacións na explanada da Seca, na que se habilitará un espazo no que a distancia social e o aforo estarán perfectamente controlados.
"Apostamos por ampliar a programación e propoñer iniciativas nas que estea garantida a diversión e o goce dos e das asistentes, ao mesmo tempo que garantimos o cumprimento rigoroso de todas as medidas sanitarias e de aforo pertinentes”, explica o titular de Festexos, Xosé Luís Martínez.
Unha das grandes novidades con respecto á edición do 2020 é que a evolución epidemiolóxica favorece a organización de eventos con aforo numeroso pero controlado.
As festas de San Xoán darán comezo o día 23 de xuño e estenderanse ata o día 27."Levaranse a cabo iniciativas e actuacións pensadas para toda a familia e que se dispersarán por toda a parroquia, co obxectivo de implicar a toda a veciñanza”, apunta o concelleiro. Con todo, volverase prescindir de eventos como as verbenas, o pregón, a gran fogueira da Seca ou a tradicional sardiñada.
Relacionadas:
-
Lucía Pérez abre este xoves os concertos de San Xoán
Por Redacción |
-
As Festas de San Xoán desenvolveranse na Seca, no Mosteiro, en Vilariño, no Pereiro e San Martiño
Por Redacción | Creada e actualizada
-
Poio recupera a Festa do Mar e a da Ameixa cun novo formato
Por Redacción |
-
A Praza do Mar de Sanxenxo acollerá o sábado unha noite de verbenas
Por Redacción |
-
Un Nadal alternativo en Poio para adaptarse ao contexto da covid-19
Por Redacción |
-
'Reinicia o verán' leva máis dun cento de actividades por todo o municipio de Poio ata finais de setembro
Por Redacción |