Inaugurada a exposición 'Aquela Nena de Sarria' sobre Xela Arias na Biblioteca de Vilagarcía
Por Redacción
Este luns 24 de maio inaugurábase a exposición 'Aquela Nena de Sarria', dedicada á etapa luguesa de Xela Arias na que se mostra tanto o seu amor polo rural que se manifesta pola súa querenza a Sarria como a súa vinculación co idioma.
Ao longo de doce paneis pódese realizar unha revisión dos poemas que o seu alumnado dedicoulle, do mesmo xeito que compañeiros e poetas. Tamén figuran fotografías facilitadas pola familia da autora e debuxos da pintora Sabela Arias. Entre as distintas obras pódense ler as denominadas Vilariñas, micropoemas especiais que contan con imaxes a través dos que un grupo de integrantes da Nova Poesía Guitírica lembra a figura de Xela Arias.
A mostra pódese visitar ata o sábado 29 no espazo da antesala da Biblioteca Municipal. Este traballo foi elaborado polo Colectivo Egeria, co patrocinio da Consellería de Cultura e a colaboración do Concello de Sarria e da Real Academia Galega con motivo da homenaxe que se rende a esta escritora con motivo do Día das Letras Galegas.
Relacionadas:
-
A Deputación recupera este xoves o espectáculo 'X Xela' para celebrar as Letras Galegas
Por Redacción |
-
RADIO.- De Rosalía de Castro a Xela Arias nun especial de 'A Playlist' coas Letras Galegas
Por Redacción |
-
'Aquela nena de Sarria', unha oportunidade para coñecer a Xela Arias na sede da Xunta en Pontevedra
Por Redacción |