O Armadiña Rock volve a Combarro o 20 e o 21 de agosto cunha edición centrada en bandas galegas
Por Redacción
A música en directo está volvendo pouco a pouco despois do parón obrigado pola pandemia da covid-19. Agora é o festival Armadiña Rock de Combarro o que se suma aos eventos que decidiron programar unha edición especial para este ano 2021 marcado polas restricións. Será o 20 e o 21 de agosto.
O festival tivo que adiar a súa edición 2020 e neste 2021 regresa cunha cita á que bautizaron #Moitoporsachar e que se centrará nas bandas galegas.
Segundo a información facilitada pola Asociación Cultural Deportiva e Medioambiental Armadiña, a música volverá á Praza da Chousa cun formato adaptado á nova realidade e tendo en conta os protocolos sanitarios correspondentes.
De momento, non se deu a coñecer o cartel, pero desde a organización si que avanzaron que a súa prioridade será ofrecer un espazo de goce musical e cultural ás persoas socias da asociación Armadiña e ao voluntariado que ano tras ano constrúe o evento.
O público máis novo tamén terá oco na programación, que prevé retomar a esencia do Armadiña Kids con obradoiros e moita música.
O Armadiña Rock conta co apoio do Concello de Poio e está enmarcado dentro da Festa do Mar.
Todas as novidades iranse publicando na páxina web do festival e nas súas redes sociais:
Relacionadas:
-
O Festival Armadiña Rock regresa a súa orixe cun formato máis local
Por Redacción |
-
Semana do Museo de Combarro organizada polo colectivo Armadiña
Por Redacción |
-
RADIO.- O músico pontevedrés Anxo Araújo presenta un plan de urbanismo repleto de pop
Por Mónica Patxot & Marisa Ciordia |
-
A asociación Armadiña cede exemplares do cómic 'O último festi' á Biblioteca Municipal e ao IES de Poio
Por Redacción |
-
O Armadiña Rock muda o formato e substitúe a súa edición 2020 por unha pioneira publicación de banda deseñada
Por Redacción |
-
O Armadiña Rock adíase ata 2021 pero busca fórmulas alternativas para este verán
Por Redacción |